Хаврын дунд сарын бэлэгт сайн энэ өдөр ханш нээж амьтай бүхэн ичээнээсээ хөдөлж байна. Монголчууд эртнээс энэ өдрийг ихэд бэлэгшээн дэлгэр цагийн их ажлын үүд нээгддэг хэмээн үзэж, ямаагаа самнаж, адуун сүргийнхээ морьд, сувай гүүнийхээ дэлийг засч, уламжлал заншлынхаа дагуу хязаалан үрээгээ хөнгөлдөг уламжлалтай.

Түүнчлэн, унаганд нь уяашуулж, дааганд нь давтшуул хэмээн ерөөж хязааланд нь хөнгөлдөг уламжлалтай байжээ. Мөн бөхчүүд ч энэ өдөр бие бялдрын хүч тамираа сайжруулах гэж үрээ хөнгөлж байгаа айлд очдог уламжлалтай.

Энэ өдөр үртэй бүхэн үндэслэхээс гадна нас барагсдаа эргэн дурсч идээ ундаа бэлтгэн бурхан болоочдоо эргэдэг. Гэвч энэ нь монгол уламжлал биш бөгөөд Хятад зэрэг Азийн бусад орнууд нас барагсаддаа хүндэтгэл үзүүлдэг ёстой юм байна.

Хятадын Хан-ши хэмээх хаанаас уламжилж ирсэн энэхүү ёслол сүүлийн жилүүдэд Монголд эрчимтэй түгэж энэ өдөр бурхан болоочдынхоо хойноос буян номын үйл хийж, идээ будаа бэлтгэн нялхас хүүхэд, амьтан хооллож өнгөрүүлдэг болжээ. Мөн энэ өдөр архи дарс уух, наргиж цэнгэхийг цээрлэдэг байна.