Ференц Пушкашийн нэрэмжит академид 2016 онд суралцахаар Унгар улсыг зорьсон Монголын дөрвөн хүүгийн нэг Г.Ганбаяр Пушкашийн академийн багийн өмсгөлтэйгөөр 17 хүртэлх насны ангилалд “Сузуки кап” тэмцээнд ур чадвараа сорьж билээ.

Тэгвэл өнгөрсөн шөнө баг нь хүрэл медалийн төлөө Будапешт Хонвед багтай тоглож үндсэн цаг нь 1-1 харьцаагаар тэнцэж дуусч тоглолт торгуулийн цохилтоор шийдэгджээ. Гурав дахь торгуулийн цохилтыг Г.Ганбаяр гүйцэтгэсэн бөгөөд  гоол оруулж, баг нь 7-6 харьцаагаар хожиж, европ тивээс анхны хүрэл медаль хүртсэн тамирчин боллоо.