АН-аас нэр дэвшигч Х.Баттулга СЕХ-нд шаардах бичиг хүргүүлжээ. СЕХ-ны гадна АН-ын болон МоАХ-ны гишүүд дэмжигчид ч мөн цуглажээ. Шаардлага хүргүүлэх болсон шалтгаан нь СЕХ-ны зүгээс иргэдийн хуруунд санал өгсөн гэсэн тэмдэглэгээ хийхгүй гэсэн хариу өгсөнтэй холбоотой аж.

Тодруулбал, өчигдөр АН-ын Ерөнхий нарийн бичгийн дарга Ц.Туваан сонгогчдын хуруунд хар бэхээр тэмдэглэгээ хийхийг шаардаж СЕХ-нд албан бичиг хүргүүлэхээ мэдэгдсэн. Хар бэхээр тэмдэглэгээ хийх нь иргэд дахин сонгууль өгөхгүй байх, сонгуулийн будлиан гарахгүй байх баталгаа болдог гэж үзээд хүсэлт хүргүүлсэн. Гэтэл СЕХ-ны зүгээс хар бэх дууссан учраас энэ жилийн Ерөнхийлөгчийн сонгуульд хар бэх ашиглахгүй гэсэн хариулт өгсөн бололтой.

Тиймээс энэ асуудлыг АН-ын гишүүд эсэргүүцэж, ийн албан бичиг хүргүүлжээ. Мөн өөрийнх нь гэрт амьдардаггүй хүмүүс өөрийнх нь хаяг дээр байгаа учраас иргэний бүртгэлд хийсэн энэхүү өөрчлөлтөө арилгаж, шударга өрсөлдөхийг уриалж ийн албан тоот хүргүүлсэн байна. Өөрөөр хэлбэл, иргэний бүртгэлээр луйвардаж, сонгуульд ялах нь хэмээн ард иргэд ч бухимдаж байна.