Их британи, Умард ирландын нэгдсэн вант улсын Уэлсийн нийслэл Кардиф хотноо зохион байгуулагдсан "BBC Cardiff Singer of the World-д тэргүүн байр эзэлж, дэлхийн шилдэг таван дуучны нэгээр тодорсон Чингис хаан одонт, МУГЖ Г.Ариунбаатар маргааш эх орондоо ирэхээр болжээ.

Тэгвэл Төв аймгийн Нутгийн залуучуудын холбооноос дэлхийн дуучин хүүгээ угтаж Чингис хаан олон улсын нисэх онгоцны буудалд ёслолын үйл ажиллагаа зохион байгуулахаар болсон аж.

Тодруулбал, 06:30 цагт Чингис хаан нисэх онгоцны буудалд угтаж авах үйл ажиллагаа болж, дараа нь Г.Ариунбаатарын ажил амьдралын гараагаа эхэлж байсан Цагдаагийн Сүлд чуулгаас дуучинд хүндэтгэл үзүүлэх юм байна. Харин 09:30 цагт дуучин хүү Чингис хааны хөшөөнд хүндэтгэл үзүүлэхээр болжээ. Г.Ариунбаатар нь Төв аймгийн Баян-Өнжүүл суманд 1988 онд төрсөн билээ.