“Херо” энтертайнментын захирал Б.Баатар Шадар сайд У.Хүрэлсүхтэй утсаар ярьж байгаа бичлэг сошиал ертөнцөд тарж, бөөн дуулиан дагуулаад байгаа. Энэ бичлэгтэй холбоотойгоор найруулагч Б.Баатарыг урваач, шарваачаар дуудагсад ч цөөнгүй гарч ирсэн.

Тэгвэл “Херо” энтертайнментын захирал Б.Баатар энэ асуудалд өөрийнхөө байр суурийг илэрхийлж, жиргэжээ. Тэрбээр “Зурганд яваад ирэхэд их юм болж. Тагнуулыг улс төрийн зорилгоор ашиглаад,  түүнийгээ олон нийтийн сүлжээнд цацдаг. Би холбогдох газарт нь хуулийн дагуу хандана. Цаг өөр болсон шүү. Энэ бол ганцхан миний эрх ашиг биш. Маш олон монголчуудын эрх ашиг” хэмээн жиргэжээ. Ямартай ч тэрбээр утасны бичлэг алдагдсан хэргийг тагнуултай холбон тайлбарлаж байгаа нь энэ аж.