Венесуэлийн зүүн хэсэгт орших Амазон мужийн хорих ангид Засгийн газрын тусгай хүчний цэргүүд үйл ажиллагаа явуулж нэг шөнийн дотор 37 хоригдлын амийг хороосон гэж тус мужийн захирагч мэдээллээ.

Үймээн самуун нэг цагийн турш үргэлжилсэн байна. Одоогоор мөрдөн байцаагчид “37 хүн нас барсан” хэргийг шалгаж эхэлсэн байна. Энэ удаагийн үймээн самуунаар шоронгийн 14 алба хаагч гэмтжээ. Гэхдээ нас барсан хүмүүс бүгд шоронгийн ялтангууд байсан гэдгийг эх сурвалжууд тодотгож байна. Шоронд үймээн гарах үед тэнд 105 ялтан хоригдож байжээ.

Тэгвэл энэ хэргийн тухай Амазон мужийн захирагч Либорио Гуарулла твиттер хуудастаа “аймшигт аллага гарсан” хэмээн жиргэсэн байна. Мөн шоронгийн барилга дотроос Дотоод хэргийн яамны 35 гаруй тусгай алба хаагчдын цогцос олдсон гэх мэдээлэл байгаа юм.

Венесуэль улс нь дэлхийн хамгийн харгис орнуудын нэг бөгөөд хоригдлууд нь хорих ангийн өрөөнөөсөө хүн хулгайлах, хулгай дээрэм хийх төлөвлөгөөгөө хэрэгжүүлдэг байна.