Жүдо бөхийн насанд хүрэгчдийн дэлхийн аварга шалгаруулах тэмцээн энэ сарын 28-нд Унгарын нийслэл Будапешт хотноо болох билээ. Манайхаас эрэгтэй, эмэгтэй тус бүр есөн жинд 18 жүдоч оролцохоор “Говь ресорт” цогцолборт бэлтгэлээ базааж байгаа юм.

Тэгвэл өчигдөр буюу ням гарагт Монгол Улсын Ерөнхийлөгч Х.Баттулга дэлхийн аваргад оролцохоор бэлтгэлээ базааж байгаа жүдочдын бэлтгэлтэй танилцлаа. Мөн хамт бэлтгэл хийж, тамирчдынхаа бэлтгэлийг шалгасан юм.

Манай улсаас энэ удаагийн дэлхийн аваргад +100 кг-д Олимпийн аварга Н.Түвшинбаяр оролцох нь анхаарал татаж байгаа билээ.