ОХУ-ын Сургутад бямба гарагийн өглөө хар хувцас өмсч, баг зүүсэн хутгатай этгээд  явган зорчигчид руу дайрч, долоон хүнийг шархдуулжээ. Гэмт хэрэгтэн хэргийн газарт цагдаагийн алба хаагчид буудуулж, амь үрэгдсэн байна.

Тэгвэл уг халдлагыг “Исламын улс” бүлэглэл үйлдсэн гэдгээ хүлээж, мэдэгдэл хийжээ.  ОХУ-ын эрх баригчид эхэндээ тус халдлагыг терроризм гэж үзэх хангалттай нотлох баримт байхгүй гэж үзэж байсан юм. Гэвч, өчигдөр шинэ баримт гарч ирсэн тул хэргийг санаатай аллага хэмээн шалгаж эхэлсэн байна.

Энэ нь одоогоор “Исламын улс” бүлэглэлийн мэдэгдэлтэй холбоотой эсэх нь тодорхойгүй байгаа юм. ОХУ-ын цагдаа нар гэмт хэрэгтний гэрт нэгжлэг хийж, аллагын шалтгаан, нөхцөл байдлыг шалгаж байгаа аж.