Хоёр сав ахуйн хий үнэрлэж, амиа алджээ
ЦЕГ-ын Шуурхай удирдлага мэдээллийн төвд өсвөр насныхан мансуурсан гэх хэрэг өнгөрсөн тавдугаар сарын байдлаар 51 хэрэг бүртгэгджээ. Тухайлбал, Нийслэлийн Сонгинохайрхан дүүрэгт ахуйн хий буюу газ үнэрлэн мансуурч байсан хүүхдүүдийн нэг нь нас барсан хэрэг гарчээ.
Тодруулбал, Энэ сарын 19-нд ЦЕГ-ын Шуурхай удирдлага мэдээллийн төвд гал унтраах 26 дугаар ангийн хажууд хоёр хүүхэд ахуйн хий үнэрлэж байгаад нэг нь ухаан алдсан гэсэн дуудлага ирсэн байна. Дуудлагын дагуу Сонгинохайрхан дүүргийн цагдаагийн нэгдүгээр хэлтсийн алба хаагчид тухайн газар очиход 16 настай Ц гэгч хүү хийн хордлогод орж, нас барсан байжээ. Эдгээр хүүхдүүд БНХАУ-д үйлдвэрлэсэн ахуйн хий хоёр савыг үнэрлэсэн байна.
Энэ мэт өсвөр насны охид хөвгүүд ахуйн хэрэглээний газ үнэртэж мансуурах тохиолдол сүүлийн жилүүдэд эрс нэмэгдсэн. Энэ бүхэнд хууль хяналтын байгууллагаас удаа дараа сэрэмжлүүлэг хүргэж, сургуулийн ойр орчимд гэмт хэрэг зөрчил гарахаас сэргийлсэн хөтөлбөрүүдийг ч хэрэгжүүлж байгаа боловч өсвөр насныхан газ үнэртэх тохиолдол гарсаар байгааг цагддаагийн байгууллагаас эцэг эхчүүдэд дахин дахин анхааруулж байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
