Кино сонирхогчдын дунд аль хэдийнэ хүлээлт үүсгэсэн “Галзуу хурд-8” кино ирэх оны дөрөвдүгээр сарын 14-нд Америкт нээлтээ хийх билээ. Гэвч сүүлийн үед киноны уран бүтээлчид түнжин хагарч, түүнийгээ олон нийтийн сүлжээгээр цацах болсон. Энэ сарын 8-нд инстаграмм хуудастаа Дуэйн Жонсон зарим хамтран тоглогч эрэгтэй жүжигчдээ мэргэжлийнх биш, аймхай хулчгар гэх мэтээр доромжилж, уурссан постыг оруулснаар тэдний зөрчилдөөн ил болсон.

Тэр дундаа  Дуэйн Жонсон, Вин Дизель нар таарамж муутай байгааг шар сайтууд онцлон бичив байв. Тэгвэл саяхнаас жүжигчид эв зүйгээ ололцож эхэлсэн гэнэ.  Вин инстаграммдаа “Галзуу хурд-8-ыг бүтээлцсэн бүх кино багийнхнаараа бахархаж байна. Зөрчилдөөн байсан ч гэсэн, жүжигчиддээ талархаж байна” гэж бичсэн байжээ.  Кино багийнхны дунд дахин зөрчил үүсэхгүй гэх баталгаагүй ч, энэ удаа тэд эв зүйгээ ололцсон бололтой.