Улсын ерөнхий прокурорын газраас өнөөдөр энэ оны эхний долоон сард хийсэн ажлынхаа тайланг танилцуулсан юм. Энэ үеэрээ сонгуулийн өмнө МАН-ын намын нэр нөлөө бүхий хүмүүс албан тушаал наймаалж, 60 тэрбум төгрөг босгохоор төлөвлөж байгаа бичлэгтэй холбоотой асуудалд хариулт өгсөн юм.

Энэ асуудалтай холбогдсон гол эзэн болох НИТХ-ын дарга Ц.Сандуй тийм хурал болсныг хүлээн зөвшөөрсөн. Харин МАН-ын зүгээс тэрхүү бичлэгийг эвлүүлэг хэмээн мэдэгдэж байсан юм. Харин прокуророос бичлэгийг шалгаж үзээд эвлүүлэг байсан нь тогтоогдсон учраас энэ хэрэгт эрүү үүсгэх боломжгүй хэмээн мэдэгдлээ.