Хамгийн муу валют төгрөг гэнэ үү
Эдийн засгийн өсөлт саарч, гадаад валютын төгрөгтэй харьцах ханш унаж, өргөн хэрэглээний барааны үнэ өсч, хэн хүнгүй бүсээ чангалах дээрээ тулаад буй энэ үед “Хамгийн муу валют Монголынх” гэж тохуурхсан нийтлэл дэлхийн томоохон агентлагийн цахим хуудаснаа нийтлэгдлээ.
Тэр ч байтугай Чингис хаан өөрөө байсан ч, валютын дайныг шийдэж чадахгүй гэж даажигнах нь тэр. Засгийн газар өөрөө ч Монгол Улс дампуурлаа зарлахад ойртсон гэдгийг хүлээн зөвшөөрч, төгрөг хамгийн урт хугацаанд ханш нь тасралтгүй унасан валют болж хувираад байна. Тиймээс ингэж тохуурхах нь ч аргагүй биз.
2011 онд уул уурхайн супер циклын үед эдийн засгийн өсөлт нь хоёр оронтой тоонд буюу 17.5 хувь хүртлээ өсч дэлхийн хамгийн их өсөлттэй эдийн засагтай орны тоонд орж байсан манай улсын мөнгөн тэмдэгт ганцхан сарын дотор 7.8 хувиар уналаа. “Bloomberg” агентлаг ч энэ үзүүлэлтийг харгалзан яг одоогийн байдлаар хамгийн муу үзүүлэлттэй валют бол төгрөг хэмээн тунхаглав.
Манай орон далайд гарцгүй. Тиймдээ ч алт зэс нүүрсний ашиглагдаагүй арвин их нөөцтэй. Гэвч уул уурхайн бүтээгдэхүүний түүхий эдийн үнэ унасны дараа нийт экспортын 90 хувийг БНХАУ-тай хийх болсон билээ.
Ямартай ч, Сангийн сайд Б.Чойжилсүрэнгийн улс орон эдийн засгийн хямралд гүн орсныг хүлээн зөвшөөрсөн мэдэгдэл, монгол төгрөгийн ханшийн уналтын мэдээ Монгол Улс дампуурлаа зарлахад бэлэн боллоо гэх дохиог олон улсад өгч орхилоо.
Одоогийн байдлаар төгрөг 22 хоногийн турш дараалан унаж, нэг ам.доллар 2243 төгрөгтэй тэнцсэн байна. Энэ нь 1993 оноос хойшхи хамгийн муу үзүүлэлт болж байгаа аж. Ямартай ч, жилийн дотор 11 хувиар ханш нь унаснаар монгол төгрөг дэлхийн томоохон 154 валютаас сүүл мушгиж явна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
