Өнгөрсөн амралтын өдрүүдэд Улаанбаатар хотын цагдаагийн газарт хулгай дээрмийн шинжтэй нийт 70 хэрэг бүртгэгджээ. Тодруулбал, Баянзүрх дүүргийн “Хавдар судлалын үндэсний төвийн автобусны буудлын орчим энэ сарын 19-ний 12:00 цагийн үед, 25 настай эрэгтэй Г нь 25 настай эмэгтэй А-ын цүнхнээс хэтэвчтэй бичиг баримт, 100 мянган төгрөг хулгайлж байсныг цагдаагийн алба хаагчид үйлдэл дээр нь илрүүлсэн байна.

Мөн тус дүүргийн “Моносын нийтийн байрны .. тоот өрөөнөөс гурван  гар утас алдагдсан байна” гэсэн мэдээлэл цагдаагийн газарт ирсэн аж. Дуудлагын дагуу шалгахад Д 25 настай эрэгтэй М өрөөнийхөө хаалга, цонхыг онгорхой унтаж байхад “Samsung Note-2”, “LG-200”, “Samsung S-5” гар утасыг нь 30 настай эрэгтэй бусадтай бүлэглэн хулгайлсныг шуурхай эрэн сурвалжилж илрүүлсэн байна. Тиймээс хулгайч нараас өөрийн эд зүйлийг хамгаалж, анхаарал болгоомжтой байхыг Цагдаагийн газраас сэрэмжлүүллээ.