ХӨСҮТ-өөс цаг үеийн асуудлаар ХӨСҮТ-ийн Тандалт судалгааны албаны дарга А.Амбасэлмаа мэдээлэл хийлээ. Тэрбээр "Өнөөдөр нэг хүний шинжилгээгээр коронавирус илэрлээ. Ингэснээр Монгол Улсад 34 дэх тохиолдол бүртгэгдлээ. Тус иргэн нь энэ сарын 18-нд Алтанбулагийн боомтоор Монгол Улсад ирсэн олон улсын ачаа тээврийн жолоочоос илэрчээ. Энэ хүн нь гэр бүлээрээ хилээр орж ирсэн бөгөөд гэр бүлийнхэн болон хавьтлуудыг тусгаарласан байна. Одоогоор халдвар авсан хүн болон эхнэрт нь халдварын шинж тэмдэг одоогоор илрээгүй байна" гэлээ