NBA-ын талбайд эхний шатны цувралын гурван тоглолт боллоо. Дорнод бүсийг тэргүүлсэн Филадельфи 76 талбайдаа Вашингтон Уйзардс багтай цувралын хоёр дахь тоглолтыг хийж 95-120 харьцаагаар Сиксерс хожиж цувралыг 0-2 болгож тэргүүлж эхэллээ. Цувралын гурав дахь тоглолт энэ сарын 30-ны өглөө Вашингтон Уйзардс багийн талбайд болно.

Тус тоглолтод Бен Симмонс 22 оноо, 9 самбар, 8 дамжуулалтаар багаа тэргүүлсэн бол Жоэл Эмбийд 22 оноо, 7 самбар, Тобиас Харрис 19 оноо, 9 самбарыг авчээ. Эсрэг багаас Бредли Бийл 33 оноогоор бүх тоглогчдыг тэргүүлсэн бол Рассел Уэстбрүүк 29 минут тоглож гэмтээд талбайгаас гарчээ. Тэрбээр тоглосон минутадаа 10 оноо, 6 самбар, 11 дамжуулалтыг  гүйцэтгэжээ.