Гавьяат тамирчин Э.Цэндбаатар шөвгийн 8-н тоглолтод ялагдаж, тэмцээнээ өндөрлүүллээ : Тал нутгийн цахим мэдээлэлийн сайт

Гавьяат тамирчин Э.Цэндбаатар шөвгийн 8-н тоглолтод ялагдаж, тэмцээнээ өндөрлүүллээ

“Токио-2020” Зуны олимпын XXXII наадмын боксын эрэгтэйчүүдийн 57 кг-д ДАШТ-ий хүрэл медальт, Ази тивийн аварга, Азийн наадмын аварга, Монгол Улсын гавьяат тамирчин Эрдэнэбатын Цэндбаатар Оросын үндэсний олимпын хорооны /ОХУ/ тамирчин Алберт Батиргазиэвтэй зодолдож 3-2 харьцаагаар хожигдож тэмцээнээ өндөрлүүллээ.

Тоглолтын дэвжээний шүүгчээр Алжирын шүүгч ажилласан бол онооны шүүгчээр Куба, Казахстан, Литви, Аргентин, Тунисийн шүүгчид ажиллалаа.

Шүүгчдийн оноо өгсөн байдал:

Нэгдүгээр үе: Альберт Батыргазиев 0-5 /9-10; 9-10; 9-10; 9-10; 9-10;/ Э.Цэндбаатар
Хоёрдугаар үе: Альберт Батыргазиев 2-3 /9-10; 10-9; 10-9; 9-10; 9-10;/ Э.Цэндбаатар
Гуравдугаар үе: Альберт Батыргазиев 5-0 /10-8; 10-9; 10-9; 10-9; 10-9;/Э.Цэндбаатар

Кубийн шүүгч гуравдугаар үед Э.Цэндбаатарт 8 оноо өгснөөр нийт онооны зөрүүгээр Оросын боксчинд ялалтыг өглөө.

Улаан булангаас гарч тулалдсан 24 настай, Э.Цэндбаатар эхний шатанд Кенийн Николос Оконго Окотыг 3-2 харьцаагаар, хоёрдугаар шатанд Вьетнамын боксчин Нгуен ван Дуоныг 5-0 харьцаагаар хожсон билээ.

МЭДЭЭНИЙ СЭТГЭГДЭЛ

ХОЛБООТОЙ МЭДЭЭ

Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.