Замын хөдөлгөөнд оролцож буй бага насны хүүхдийн аюулгүй байдлыг хангах, хүүхдийн суудлыг хэрэглээнд нэвтрүүлэхийг сурталчилж буй “Амин хариуцлага” төслийн олон нийтийн танилцуулга өдөрлөг өнөөдөр 12:00 цагт  Сүхбаатарын талбайд эхэлнэ.

Энэхүү өдөрлөгийг  “Global Shapers Ulaanbaatar Hub”-аас Замын цагдаагийн газартай хамтран зохион байгуулж байгаа юм.   Өдөрлөгт  оролцсоноор хүүхдийн суудал хямдралтай үнээр худалдан авах боломжтой аж.

Мөн өдөрлөгийн үеэр  "Ирээдүйн жолооч ба явган зорчигч" мини тэмцээн болох бөгөөд сайн жолооч нарыг алдаршуулах аяныг зохион байгуулах аж. Түүнээс гадна   "Амин хариуцлага", "Хамгаалах бүс, хамгаалалтын суудал" аяны тухай танилцуулгатай. Мөн оролцогчид хөгжөөнт тоглоом, тааварт оролцох боломжтой ажээ.