Коронавирусийн нөхцөл байдлын талаар ЭМЯ, ХӨСҮТ-өөс танилцууллаа. 

 

ХӨСҮТ-ийн Тандалт, судалгааны албаны дарга А.Амбасэлмаа "Арваннэндүгээр сарын 28-нд нийт 9513  хүнд PCR шинжилгээ хийсэн. Үүнээс  24 хүний шинжилгээнд коронавирус илэрсэн. Үүнээс нэг нь ТИР машины жолооч, 11 сарын 16-нд монголд ирсэн давтан шинжилгээгээр коронавирус илэрсэн.

 

Голомт бүхий өвчлөл бүртгэгдсэн нутагт нийтдээ 23 шинэ тохиолдол бүртгэгдсэн.

 

Улаанбаатар хотод таван тохиолдол бүртгэгдсэн. Нэг нь өмнөх батлагдсан тохиолдлын ойрын хавьтлын давтан шинжилгээнд коронавирус илэрсэн бол дөрөв нь гэр бүлийн ойрын хавьтлын тусгаарлалтад байсан хүмүүс.

 

ЭМЯ: Шинээр 24 тохиолдол илэрч, дотоодын нийт халдвар 341 боллоо

 

Сэлэнгэ аймагт 7 тохиолдол шинээр бүртгэгдсэн, гурван гэр бүлийн ойрын хавьтлын давтан шинжилгээнд коронавирус илэрсэн.

 

Дархан-Уул аймагт 9 тохиолдол шинээр нэмэгдсэн.

 

Эхний тохиолдлын ойрын хавьтлыг 15 хоног хянан шинжилгээ хийн 100 гаруй хүнийг гэрийг ажиглалтад гаргаад байна.

 

Мөн Сэлэнгэ аймагт 10, Дархан-Уул 2,  Дорноговь аймагт 1, тохиолдол шинээр бүртгэгдсэн. Архангай аймагт 2 тохиолдол шинээр бүртгэгдсэн. Энэ 2 тохиолдол голомтын тандалт судалгааны явцад халдвар бүртгэгдсэн хувийн эмнэлгийн бариа засалтай холбоотой байсныг бид араас нь тандалт хийн Батцэнгэлд суманд явсныг илрүүлсэн. Улаанбаатар хотоос эхтэй халдварын голомтоор үйлчлүүлсэн хүн өвчилсөн байх магадлалтай гээд Архангай аймаг руу бид мэдээллийг өгч тус аймаг богино хугацаанд арга хэмжээ авч илрүүлсэн. Өчигдөр онош батлагдсан ойрын хавьтал 50 хоёрдогч хавьтал гээд нийт 200 гаруй хүнийг тусгаарлан шуурхай штаб Батцэнгэл суманд ажиллаж байна. Тэндээс 2-3 хүн Их тамир сум руу явсан учраас тус суманд бас ажиллаж байна.

 

ЭМЯ: Шинээр 24 тохиолдол илэрч, дотоодын нийт халдвар 341 боллоо

 

Улсын хэмжээнд голомтлон гараад байгаа хэсэгт нийтдээ 341 тохиолдол бүртгэгдсэн. Нийт өссөн дүнгээр хэлбэл, 

 

Улаанбаатарт 75  

 

Сэлэнгэ аймагт 174

 

Орхон аймагт 22

 

Дархан-Уул аймагт 44

 

Дорноговь аймагт 21

 

Говьсүмбэр аймагт 3

 

Арханхагй аймагт 2

 

Зөөвөрлөгдөн орж ирсэн тохиолдол 384 болсон. Улсын хэмжээнд кластер гарсан голомтод 341 тохиолдол бүртгэгдээд байна.

 

24 цагийн дотор Халдвартын килиникээс долоон хүн эдгэрч дараагийн шатны сувилалд шилжлээ.

 

Монгол Улсын хэмжээнд нийт батлагдсан тохиолдол 784 болж байна. Үүнээс эдгэрсэн 354, ажиглалтад 31, гэрийн ажиглалтад нэг, ажиглалтын хугацаа дууссан 322 хүн байна.

ХӨСҮТ болон Цэргийн төв эмнэлэгт  421 батлагдсан тохиолдол эмчлэгдэж байна. 

 

ХӨСҮТ-д эмчлэгдэж байгаа 254 хүнээс маш хүнд 6, хүнд 5, хүндэвтэр 71, хөнгөн 339 хүн байгаа” гэв.