С.Амарсайхан: Татвар нэхэж дарамт үзүүлж байгаа байцаагчдаа тат, зогсоо, хүлээ
Нийслэлийн Засаг дарга асан, УИХ-ын гишүүн С.Амарсайхан Татварын Ерөнхий Газарт хандан өөрийн цахим хуудандаа мэдэгдэл гаргажээ. Тэрбээр,
"Татварын Ерөнхий Газарт Анхааруулга!
Иргэд,Аж ахуйн нэгжүүд бүтэн 10 сар ашиг орлоггүй, үйл ажиллагаа зогсонги байсан!
Сүүлийн 3 долоо хоног хатуу хөл хорио үргэлжилсээр байна! Гэтэл ар гэрээ тэжээх цалин хөлс, хоол хүнс, утас интернетийн төлбөрөө ч төлж дийлэхгүй, гэрээсээ гарах эрхгүй байгаа иргэдээс газар, үл хөдлөх хөрөнгө, элдэв татвар нэхэж дарамт үзүүлж байгаа байцаагчдаа тат, зогсоо, хүлээ!
Та бүхэн энэ үед дампуурч байгаа жижиг дунд бизнес, өдрийн хоолоо яая гэж байгаа иргэдээс чихийг нь тасалж, үр хүүхдийг нь булааж авдаггүй л юм бол өөрөөр тэдэнд өр зээл, татвар,хураамж төлөх тэнхэл байхгүй байна.
Ажил амьдрал, үйл ажиллагаа, зах зээл хэвийн үед тэд улс орны эдийн засгийн ачааг үүрсээр ирсэн. Цаашдаа ч үүрсээр байх болно. Одоо харин ойлго, дэмж!
Тогтмол цалинтай дарга, даамал, төрөөс цалинжиж байгаа хүмүүсээс бусад нь орлоггүй өдрөөс өдөрт хүндэрсээр л байна шүү!
#Иргэдээс энэ талаар асар их санал, гомдол ирж байгаа учир холбогдох байгууллагад нээлттэй шаардлага тавьж байна. Албаны шугамаар бас уламжилж, шаардах болно!" гэжээ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
