NBA-ын талбайд 13 тоглолт боллоо. Өнөөдрийн эхний тоглолт Клевленд Кавалерсийн талбайд Вашингтон Уйзардс багтай тоглож эцсийн мөчид Кайл Кузмагийн гайхалтай шидэлтийн ачаар 97-94 харьцаагаар Уйзардс буулгаж авлаа.

Улмаар найман хожил, гурван хожигдолтой болж дорнод бүсийг тэргүүлж байгаа бол Кавалерс долоон хожил, таван хожигдолтой болжээ

Тус тоглолтод Кайл Кузма 22 оноо, 5 самбараас бөмбөг авч багаа тэргүүлсэн бол сэлгээнээс Монтрез Харрел 24 оноо, Бредли Бийл 13 оноо, 7 самбар, 7 дамжуулалтаар тусалжээ. Эсрэг багаас Дариус Гарланд, Эван Моблий нар 19 оноог авсан бөгөөд сэлгээнээс Рики Рубой 20 оноог авчээ.