Коронавирусийн нөхцөл байдлын талаар ЭМЯ, ХӨСҮТ-өөс танилцууллаа. 

ХӨСҮТ-ийн Тандалт, судалгааны албаны дарга А.Амбасэлмаа "Нэгдүгээр  сарын 14-нд нийт  16854 хүнд PCR шинжилгээ хийхэд 12 хүний шинжилгээнд коронавирус илэрсэн.

12 тохиолдол Улаанбаатарт бүртгэгдсэн. Мөнххада компанид гарсан халдварын ойрын хавьтал болон тусгаарлагдаж байсан 4 хүнээс халдвар илэрсэн. Мөн Баянзүрх дүүргийн 17, 12 дугаар хорооны гэр бүлийн 8 хүний шинжилгээнээс коронавирус илэрсэн. Эдгээр тохиолдлууд тусгаарлалтад орж хяналтад байсан.

Улсын хэмжээнд голомтлон гараад байгаа хэсэгт нийтдээ 990 тохиолдол бүртгэгдсэн. Нийт өссөн дүнгээр хэлбэл, 

Улаанбаатарт 664

Сэлэнгэ аймагт 217

Орхон аймагт 25

Дархан-Уул аймагт 45

Дорноговь аймагт 32

Говьсүмбэр аймагт 4

Архангай аймагт 3

Монгол Улсад коронавирусийн батлагдсан нийт тохиолдол 1491, эдгэрсэн 909 байна. 60.9 хувь нь эдгэрсэн.

Цэргийн төв эмнэлэг,  Хан-Уул дүүргийн 300 ортой эмнэлэг, Сэлэнгэ аймгийн нэгдсэн эмнэлэг, ХӨСҮТ-д нийтдээ онош нь батлагдсан 571 хүн эмчлүүлж байна” гэв.