Боловсрол, шинжлэх ухааны сайд Л.Энх-Амгалан твиттер хуудсаараа "Өндөр төлбөртэй хувийн сургуульд улсаас олгодог хувьсах зардлыг ирэх сараас зогсооно" хэмээн мэдэгдсэн билээ.
Тэрбээр “10,0 сая төгрөгийн төлбөр авчхаад танхимаар биш цахимаар хичээллээд, цахилгаан, дулаан, ус, хогны мөнгө 0, багш ажилчдынхаа НДШ-ийг хөнгөлүүлчихээд хувьсах зардал авна гэж "луу унжихгүй" байлгүй дээ. Улсын хэмжээнд 174.000 хүүхэд гэрэлгүй, гар утасгүй, теле хичээлээ үзэж чадахгүй байна. 5 сая хүртэл төлбөртэй 106 сургууль, 5-10,0 сая төгрөгийн төлбөртэй 12 сургууль, 10-аас дээш сая төгрөгийн төлбөртэй 8 хувийн сургууль байна. Би өндөр үнэтэй буюу 10 саяас дээш төлбөртэй сургуульд хувьсах зардлыг өгч чадахгүй" хэмээн жиргэжээ.
