ХӨСҮТ-ийн захирал Ц.Билэгтсайхан халдварын нөхцөл байдлын талаарх мэдээлэл өглөө. Тэрээр "Дельтагийн хүнд хэцүү давлагааг вакцинжуулалтын үр дүнгээр харьцангуй эрсдэл багатай давсан. Бид эсрэг биеийн түвшин ямар байгаа вэ гэдгийг байнга тандаж байгаа.

Улаан бүсэд ажиллаж байгаа эмч, эмнэлгийнхэн, онцгой байдлын албаныхан астразенека вакцины хоёр тун хийлгээд, бүүстер тундаа файзер тариулсан. Файзер вакцинаар бүүст хийсний дараа эсрэг биеийн түвшин нэмэгдсэнийг тогтоосон. Коронавирусийн эсрэг вакцины гуравдугаар тун нь дархлаа сэргээх боломжтой нь тогтоогдож буй.

Түүнчлэн вероцелл вакцины хоёр тунгийн дараа бүүстер тундаа файзер хийлгэсэн тохиолдолд үүссэн эсрэг бие мөн маш сайн тогтож байна. Вакцины дараа үүссэн эсрэг бие нь тодорхой хугацаанд хадгалагдаж, тодорхой хугацаанд буурч байдаг. Иймээс бүүстер тун халдвараас хамгаалах гол арга юм. Дэлхий дахинд омикроны давлагаа дэгдсэн нь дельтагийнхаас 4-5 дахин өндөр байгаа юм.

Гэхдээ энэ хувилбар хурдан тархаж, хурдан буурна гэсэн таамаглал байна. Халдварлуулах индекс дельтагаас өндөр байгаа ч эрсдэлийн индекс нь эрдэмтэд хийж буй. Мөн хүндрэх эрсдэл нь харьцангуй бага байгаа. Хамгийн гол нь бүүстер тунд хамрагдах идэвхээ нэмье, вакцины дөрөв дэх тунг хийлгэе гэсэн чиглэлтэй нийт 10 төлөвлөгөө гаргасан" гэлээ.