Засгийн газрын Хэвлэл мэдээлэлтэй харилцах газрын дарга асан Ц.Ганзориг цахим хуудсандаа замын цагдаагийн бүтэцийн талаар нийтэлжээ. Тэрбээр "Зам, уулзвар бүртээ хамгийн олон цагдаатай улс манайх байх?!

Энэ том бүтэцийг 4 улиралд зам дээр “татварын байцаагч” мэт зогсоож, эрүүл мэндээр нь хохироож, зардал нэмэхийг халах цаг нь болсон.

Гэрлэн дохио, хяналтын камеруудаараа бусад улсууд шиг хөдөлгөөн, зөрчлөө хянаж, зохицуулж болно. Мэдээж хөдөлгөөнт эргүүлүүд тодорхой хэмжээнд байна. Доорх бүтэцэд байгаа шиг хэт олон өрөөнд суудаг дарга нар бас дэмий!

Жилдээ 35 орчим тэрбум төгрөгийн торгуулийг жолооч нарт тавьж, 15 тэрбумыг нь авдаг энэ тогтолцоогоо камераар хянаад торгуулиа, шуудангаар илгээгээд явчуул түгжрэлийг бага ч болтугай бууруулж, хүнд суртал, хэт хүнээс хамаарсан механик зардал, стресс ч багасна.

Уулзвар бүрт зогсож буй замын цагдаагийн харцанд зөрчилтэй юм шиг харагдчих вий гэж айдастай жолоо барих ч шаардлагагүй. Юуны төлөө гэрлэн дохионууд ажлуулж, хэдэн мянган камер ажлуулж, замын хөдөлгөөний удирдлагын төвтэй байгаа билээ" хэмээжээ.