Хоккейн "Дэлхийн Цом"-ын тэмцээнд ОХУ, Канад, Европын шигшээ, АНУ, Чех, Швед, Финлянд, Хойд Америк гэсэн шилдэг найман баг дөрөв дэх өдрөө үргэлжилж байна.

А хэсгийн гал гарсан тоглолт болох Канад, АНУ-ын хоккейчид өнөөдөр тоглолоо. Тоглолтын салхийг хагалж АНУ-ын Райн Донан 04:22 минутад оруулсан бол үүнээс хойш гурван шайбыг дараалж Канадууд оруулснаар эхний үеийг 3-1 харьцаагаар тэргүүлжээ. Үлдсэн хоёр үед хоёр баг тус бүр нэг нэг шайбыг эсрэг багийнхаа хаалганд оруулснаар тоглолт 4-2 харьцаагаар Канадуудын хожлоор өндөрлөлөө. Харин АНУ-ын хувьд хоёр тоглолтод хоёр хожигдолтой хэсгээсээ мултарлаа.

Харин Б хэсэгт Швеп Финляндын тоглолт болсон бөгөөд 2-0 харьцаагаар Швед хожлоо. Хоёр дугаар үеийн ес дэх минутад Антон Стрейлмэн тоглолтын салхийг хагалсан бол гуравдугаар үеийн 19:57 минутад Луй Эриксон эцсийн шайбыг оруулжээ. Ингэснээр Швед хоёр хожилтой хэсгээ тэргүүлж байгаа бол Финлянд хоёр хожигдолтой хэсгийн сүүлийг мушгиж байна.