Монголын Тулгар төрийн 2230, 2231 жил, Их Монгол улсын 815, 816 жил, Ардын хувьсгалын түүхт 100, 101 жил, Эрдэнэт хот байгуулагдсаны 45, 46 жилийн ой гээд түүхт олон ой тохиосон Үндэсний их баяр наадмаар Эрдэнэтчүүд  төрт ёсныхоо түүхэн уламжлалын дагуу өргөн дэлгэр  сайхан наадлаа.  Баяр наадмын үйл ажиллагааг хааж Засаг дарга С.Батжаргал үг хэлэв. Тэрээр, “Бид ахмад үеийнхээ өв болгон үлдээсэн түүхэн уламжлалаа дээдлэн,  ажлын амжилтаа бататган, “Эрдэнэт хүний хөгжил”-ийн асуудлыг бодлогынхоо цөм болгон Орхон аймаг, Эрдэнэт хотоо хөгжүүлэхийн төлөө хүчээ нэгтгэн, улам ихийг бүтээж, тавьсан зорилтоо хамтдаа амжилттай хэрэгжүүлж ажиллах болно. “Наадмын маргааш намар гэдэг. Энэ мөчөөс эхлэн ирэх өвлийн бэлтгэл ажилдаа эртнээс анхаарлаа хандуулцгаая. Эрхэм хүндэт наадамчин олон, зочид төлөөлөгчид та бүхэндээ ажил үйлс нь өөдрөг, амжилт бүтээлээр дүүрэн байхын, эрүүл энх, аз жаргалтай амьдрахын өлзийтэй сайхан ерөөлийг өргөн дэвшүүлье”  гэлээ. 

Баяр наадмын тойм...
 ШИНЭЭР АЙМГИЙН АРСЛАН, ЗААН ЦОЛТОН ТӨРЛӨӨ 
Орхон аймгийн баяр наадамд улс, аймгийн цолтой хүчит 128 бөх барилдсанаас Архангай аймгийн Тариат сумын уугуул Орхон аймгийн харьяат Сумын Заан С.Майнбаяр Орхон аймгийн баяр наадамд 7 давж Аймгийн арслан цол хүртлээ.  Мөн Говь-Алтай аймгийн Баян-Уул сумын харьяат Хантайшир дэвжээний бөх Сумын заан Б.Гааждамба Аймгийн заан цолны болзол хангалаа.

Орхон аймгийн баяр наадмын хурдан Азарганы уралдаанд... 

Булган аймгийн Орхон сумын харьяат Э.Бүрэнтогтохын хонгор хүлэг түрүүлж, Аман хүзүүнд Хөвсгөл аймгийн Тариалан сумын харьяат Э.Далайцэрэнгин хүрэн, айргийг гуравт Орхон аймгийн харьяат Ж.Золбоогийн бор, айргийн дөрөвт Булган аймгийн Бүрэгхангай сумын харьяат Т.Түмэн-Аюушийн хүрэн халзан, айргийн тавд Орхон аймаг Баян-Өндөр сумын харьяат С.Саадэлэгийн бор азарга хурдаллаа. 

Их насны морьдын уралдаанд...

Орхон аймаг Баян-Өндөр сумын харьяат Ц.Эрдэнэбаярын хонгор халзан, Аман хүзүүнд Орхон аймаг Баян-Өндөр сумын харьяат Ц.Ариунбаярын хонгор морь, айргийн гуравт Сэлэнгэ аймаг Мандал сумын харьяат П.Төртүвшингийн бор хүлэг, айргийн дөрөвт Орхон аймаг Баян-Өндөр сумын харьяат М.Алтангэрэлийн халтар хүлэг, айргийн тавд Орхон аймаг Баян-Өндөр сумын харьяат М.Гантулгын хүрэн морь хурдаллаа. 

Соёолон насны хурдан морьдын уралдаанд...

Орхон аймгийн Баян-Өндөр сумын Д.Батхишигийн хүрэн халзан, аман хүзүүнд Сэлэнгэ аймгийн Баруунбүрэн сумын харьяат Э.Ариунболдын сартай хээр, айргийн гуравт Орхон аймгийн Баян-Өндөр сумын харьяат Н.Ишжамцийн хээр, айргийн дөрөвт Хөвсгөл аймгийн харьяат Э.Зоригтбаатарын хээр, айргийн тавд Орхон аймаг Баян-Өндөр сумын харьяат Ж.Батсуурийн хээр морь хурдаллаа. 

Хязаалан насны хурдан морьдын уралдаанд... 
Булган аймгийн Хангал сумын харьяат С.Сэлэнгийн жигүүр хүрэн түрүүлж, аман хүзүүнд Орхон аймгийн Баян-Өндөр сумын харьяат Ж.Батсуурийн бор халзан, айргийн гуравт Орхон аймгийн Баян-Өндөр сумын харьяат Д.Даваа-Очирын хул, айргийн дөрөвт Орхон аймгийн Баян-Өндөр сумын харьяат Ц.Нармандахын хул, айргийн тавд Хөвсгөл аймгийн Тариалан сумын харьяат А.Бодьхүүгийн хээр морь хурдаллаа. 

Шүдлэн насны уралдаанд...
Орхон аймаг Баян-Өндөр сумын харьяат Т.Отгонбаярын хүрэн халзан, аман хүзүүнд Хөвсгөл аймаг Тариалан сумын харьяат А.Бодьхүүгийн хүрэн халзан, айргийн гуравт Сэлэнгэ аймгийн Баруунбүрэн сумын харьяат Э.Ариунболдын хүрэн халзан, айргийн дөрөвт Хөвсгөл аймаг Тариалан сумын харьяат Н.Гансүхийн хонгор, айргийн тавд Орхон аймаг Баян-Өндөр сумын харьяат Л.Айлягийн халтар халзан морь  хурдаллаа. 

Хурдан дааганы уралдаанд...
Булган аймгийн харьяат Ө.Зулбаатарын хүрэн даага, аман хүзүүнд Орхон аймгийн харьяат А.Болдбаатарын Хүрэн халзан даага, Айргийн гуравт Булган аймгийн харьяат С.Сэлэнгийн цавьдар даага, айргийн дөрөвт Орхон аймгийн харьяат Л.Мөнхбаярын бор даага, Айргийн тавд Хөвсгал аймгийн харьяат А.Бодьхүүгийн шарга даага тус тус хурдалж тод магнай, торгон жолоо өргөлөө.

ЗАЛУУ ХАРВААЧИД АЙМГИЙН ГОЦ МЭРГЭНИЙ БОЛЗОЛ ХАНГАЛАА 

Баяр наадмын шагайн харвааны төрөлд 14 багийн 130 гаруй харваачид оролцож цэц мэргэнээ сорив. Үүнээс Монгол Улсын гарамгай мэргэн 2, Монгол Улсын хошой мэргэн 1, Монгол Улсын мэргэн 2, Монгол Улсын харьшгүй мэргэн 1, аймгийн мэргэн 10, 60 залуу харваач оролцлоо. 
Аймгийн баяр наадмын шагайн харваа хоёр өдөр үргэлжилж, дүнгээ гаргалаа. 
Багийн харвааны төрөлд...

• Дундговь аймгийн уугуул “Эрдэнэт Үйлдвэр" ТӨҮГ-ийн АТХ-ийн Монгол Улсын гарамгай мэргэн Ө.Тогоо ахлагчтай "ХАНГАРЬД" баг 
• Дэд байранд Говь-Алтай аймгийн уугуул "Эрдэнэт Үйлдвэр" ТӨҮГ-ийн “Гэрээт цагдаа” хэсгийн ахлагч аймгийн гоц мэргэн Э. Эрхэмбаяр ахлагчтай "СОЕМБО” баг
• Гутгаар байранд Булган аймгийн уугуул "ЭДЦС- Техк-ийн ТДЦ-ийн ажилтан аймгийн гоц мэргэн Б.Ганцолмон ахлагчтай "ЭДЦС" Тулш баг 

 Харваач нэг бүрийн цуваа харваанд...
Тэргүүн байранд Ховд аймгийн харьяат, Орхон аймгийн уугуул “Эрдэнэт Үйлдвэр" ТӨҮГ-ийн Баяжуулах Үйлдвэрийн ажилтан залуу харваач У.Эрдэнэ-Очир  20 сумнаас 20 онож 
"Дэд байранд Булган аймгийн уугуул Орхон аймгийн иргэн аймгийн гоц мэргэн М.Амаржаргал 20 сумнаас 19 онож,
 "Гутгаар" байранд Говь-Алтай аймгийн харьяат "ЭДЦС" ТӨХК-ийн ажилтан аймгийн гоц  мэргэн Л.Анхбат 20 сумнаас 18 онож баяр наадмын шагналт байруудад  шалгарлаа. 
Энэ жилийн баяр наадмаар Орхон аймгийн уугуул  Эрдэнэт үйлдвэр" ТӨҮГ-ийн Баяжуулах үйлдвэрийн ажилтан залуу харваач У.Эрдэн Очир, Булган аймгийн уугуул “Эрдэнэт  өртөө” төмөр замын ажилтан, залуу харваач   Х.Эрдэнэчулуун нар аймгийн гоц мэргэний болзол хангалаа.