Хотын хөдөлгөөнд 605 мянган машин оролцдог ба 5 жилийн дотор 50% бууруулна ч гэдэг юм уу тийм цаг хугацааг хүлээх боломжгүй ээ. Их хугацааг хүлээж тэвчихгүй 50 хувь буураад 302 мянган машин явсан ч их л байх болно. Энэ хооронд тус бүр 40 тэр бумаар нь хэдэн ч гүүр гарц хийж мөнгө үргүй зарцуулагдаж бетон болох болно. Нийслэлийн 420 т.б.төгрөг ч байг онож, зорилгодоо хүрэх боломжгүй. САНАЛ: Даруйхан 2023 оны 1 дүгээр сарын 01-ний өдөөс эхлэн улсын дугаар шинээр олгохгүй гэж хуульчлах. (Ингэлээ гээд эрх чөлөө, хүний сонголт, тэглээ ингэлээ гэж хашхирна, түүнийг үл тоо ). Жил бүрийн улсын үзлэгт бүх машин 100% хамрагддаггүй. Нэг, хоёр зуугаараа сураггүй байгаа хэдий ч бүртгэлд хэн нэгний нэр дээр байгаа. Тэр бол эвдрээд хашаандаа хэвтэж байгаа, эсвэл задлаад автозахын контейнерт очсон сэлбэг болсон. Эхний ээлжинд тэр дугаарууд ил гарч хэн нэгэн рүү шилжиж дахин цэгцлэгдэнэ. Машины сэгээ зарсан хүн ч бас хэдэн төгрөгтэй үлдэнэ.

Дараагийн шатанд замын түгжрэлд нөлөөлөх алхам руугаа орно. Яаж вэ? Гаднаас машин импортоор орж ирдгээрээ ирэг ээ тэр бол хүний чөлөөт сонголт. Харин дугаарыг шинэ ч, хуучин ч, төрийн ч, хувийн ч бай хэнд ч шинээр олгохгүй. Эхний ээлжинд эвдэрсэн задарсан машины дугаар шилжээд дуусна. Дараагийн ээлжинд би хуучин муудаж байгаа приусээ зарж болох эрэлт үүснэ. Магадгүй тэр хуучин хогийн машинаар түгжирч явснаас оюутны сургалтын төлбөр төлөх, хашаа байшин авчих мөнгөөр ч зарчих юм билүү. Приусыг авсан нөхөр оруулж ирсэн машиндаа дугаарыг нь шилжүүлж аваад сэлбэгийн задаргаанд ачуулна. Ийм нэг наймааны цикл үүснэ. Яадаг юм бэ хуучин машин төмрийн хог руу явж цөөрч цэгцэрсээр л, хэн хэн нь хэрэгцээндээ наймаа үргэлжилсээр. Бас төрийн байгууллагууд акталсан машинаа тэгээд л салгалуулаад балансаас балансад шилжүүлэв гээд байлгаад түгжрэл нэмж байснаас хасаад дугаарыг өөрийн шинээр авсан машинд шилжүүлэг.

Төр энд 2 юмыг нээлттэй болгож журмаа өөрчилнө. Үүнд: 1.Байгууллага, ААН, иргэд дотроо, хоорондоо машины улсын дугаарыг чөлөөтэй шилжүүлэхийг зөвшөөрнө. Тэгэхдээ өмнөх хэдэн жил ч юм татвар төлөөгүй энэ тэр гээд зохицуулж өгөх юмнууд гарна. Нэг их хатуурхах үр дүнгүй.

2. Хотын нийтийн тээврийг төрөл, өнгө үзэмж, соёл, үйлчилгээ, хүртээмжийн хувьд маш богино хугацаанд эрс шинэчилж хувийн тээврийн хэрэгслээр хотын төв рүү явах шаардлага, хэрэгцээ үүсэхгүйгээр болгох. Дашрамд нийтийн тээврийнхэн нэг юм санаачлах хэрэгтэй. Одоо автобус чинь оргил ачааллын бус үед хоосон яваад, хүн нэг нэгээрээ машин дотроо түгжрээд байна аа даа. Тэгвэл аль нэг хотын захын эцсийн буудалдаа ил талбайд, бүр болж өгвөл дулаан зогсоол байгуулаад тэндээ машиныг үнэгүй тавиулаад хотын төв рүү нийтийн унаагаараа (одоогийнхоос арай үнэтэй байж болно, жишээ нь 1000-аар гэж хашхирч байгаад 4 хүн болохоор явдаг хувийнхан хааяагүй байдаг ш дээ) зөөж авчир.

Цагаа барьдаг цэвэр тохилог, өөрийн байнгын үйлчлүүлэгчтэй нийтийн тээвэр байх болно.

Дээрх миний хэлсэн наймаа үүссэнээр хуучин машинаа (хэрэг дээрээ улсын дугаараа) зарах дуудлага худалдаа 7 хоног бүр явагддаг байж болно ш дээ. Миний сонссоноор сард 300-500 тээврийн хэрэгсэл хилээр орж ирээд ихэнх нь л удахгүй борлогдоод улсын дугаар аваад байгаа биз дээ. Харин хөдөөгийн аймгуудын хувьд бол шинээр дугаар олгож болно гээд, харин хотын дотор орж ирж хөдөлгөөнд оролцоно гэвэл хоногийн тоогоор нь өндөр замын хураамж төлүүлэх хэрэгтэй.

Улсын дугаар шинээр олгохгүй энэ хугацаагааг 2 жилээр тогтоогоод байдлыг хянаад цааш нь сунгах эсэхийг шийдээд, дараа нь шинэ машинд олгож болно, зөв талдаа жолооны хүрдтэй бол олгоно гэх мэт чөлөөлөх. Сард 300-аар нэмэгдээд байгаа машины тоог зохицуулахгүйгээр зам, гүүр, гарц нэмж бариад ач холбогдолгүй, тэр зардлаар нийтийн тээврийг сайжруулж, машины тоог захиргааны арга элемент ашиглаж бууруулья. Шийдвэр гаргагчид иргэдийн эсргүүцэл, сонгууль хоёроос зарим үед айхгүй шийдвэр гарга. Үр дүнгээр нь ард олон удахгүй зөвшөөрнө.

Нэг жишээ: 2 жилийн өмнө зүүн гар тийш эргэхийг хориглоно гээд эхэлж мэдэгдээд хаахад эсргүүцээд л байсан одоо зүгээр чимээгүй нэг нэгээр нь хаачихсан байхад юм хэлэхгүй л байгаа биз дээ.