Филиппин улсад зохион байгуулагдаж буй сагсан бөмбөгийн 3x3 төрлийн "Цебү мастерс 2022" тэмцээн өчигдөр эхэлсэн билээ. Манай улсаас хоёр баг өрсөлдөж байгаа бөгөөд Улаанбаатар ММС энержи болон Сансар ММС энержи багууд тоглож байна.

Өчигдөр Сансар ММС энержи В хэсэгт багтсан бөгөөд Латвийн Рига багт 22-8, Японы Уцуномияа багт 21-14 харьцагаар хожигдож тэмцээнээ дуусгажээ.

Харин нөгөө баг болох Улаанбаатар ММС энержи баг D хэсэгт багтсан бөгөөд эхний тоглолтоо Катарын Доха багтай хийж 10-21, Швейцарын Лозанна багийг 14-20 харьцаагаар хожиж хэсгээ тэргүүлжээ. Өнөөдөр хасагдах шатны тоглолтоо хийж байгаа бөгөөд дөнгөж сая Японы Уцуномияа 17-21 харьцаагаар хожлоо. Улмаар хагас шигшээд Бельгийн Антверд багтай 18:10 цагт тоглоно.