“Рио-2016” олимпийн мөнгө, ДАШТ-ий хүрэл медальт, Монгол Улсын Гавьяат тамирчин Доржсүрэнгийн Сумъяагийн амьдралаас сэдэвлэсэн “Цагаан хадаг” уран сайхны киноны нээлт өнөөдөр 12:00 цагт Улсын Их дэлгүүрийн II дугаар давхарт болно. Мөн киноны нээлтийн үйл ажиллагаа орой 18:00 цагт “Тэнгис” кино театрт үргэлжлэх ажээ.

 Нээлтийн үйл ажиллагаанд киноны уран бүтээлчдээс гадна Монголын жүдо бөхийн шигшээ багийн тамирчид оролцох юм байна. Тус кино нь жүдогийн эмэгтэй тамирчны амьдралаас сэдэвлэсэн Монголын уран сайхны кино гэдгээрээ онцлогтой. Мөн уг киног "Хүлэгү пикчерс” кино компани бүтээсэн бөгөөд ерөнхий найруулагчаар Ж.Сэнгэдорж ажилласан байна. Харин гол дүрд жүжигчин Т.Жинжмаа, Б.Базаррагчаа, О.Оюун, Н.Ялалт, Б.Шинэбаяр, Б.Батмэнд, О.Анужин нар тоглож байгаа юм.