МСБХ-ны Үндэсний Дээд лигийн 2022/23 оны улирлын эрэгтэй лигийн плэйоффын гурав дахь өдрийн буюу бямба гарагийн сүүлийн тоглолт Эрдэнэт Майнерс болон Налайх Бизон багуудын хооронд боллоо.

Өрсөлдөөнтэй, үзүүштэй тоглолтод Эрдэнэт Майнерс баг 73-79 харьцаатай Налайх Бизон багийг хожиж цувралыг 2-0 болголоо. Эрдэнэт Майнерс баг одоо 2 хожил байгуулахад IHC Apes, Хасын Хүлэгүүд багийн цувралд хожсонтой нь учраа таарах юм. Хоёр багийн цувралын 3 дахь тоглолт ирэх долоо хоногийн даваа гарагийн үдэш болно.

Тоглолтын баатар: Пендарвис Уиллиамс өнөөдөр 31 оноо авч бүх тоглогчийг тэргүүллээ. Өнөөдрийн тоглолтод түүнээс өөр 20+ оноо авсан тоглогч байхгүй.

Пендарвис Уиллиамсаас гадна нь Намжилдоржийн Золжаргал 16 оноо, 4 холын зайн шидэлт амжилттай гүйцэтгэж багаа хожиход том нөлөө үзүүлсэн.

Тоглолтын эргэлтийн цэг: Өнөөдөр Налайх Бизон баг 21:28 минут, Эрдэнэт Майнерс баг 16:08 минутын турш онооны илүү явж байжээ. Тоглолтын төгсгөлд сүүлийн 4 минут руу орж Эрдэнэт Майерс 6 оноогоор хожигдож байхад Пендарвис Уиллиамс дараалан 13 оноо авчээ.

Hero to zero: Эрдэнэт Майнерс баг өнөөдөр хожил авсан хэдий ч багийн гол тоглогчдын нэг Г.Ган-Эрдэнэ 16 минутыг талбай дээр өнгөрүүлж нэг ч оноо авч чадаагүй байна. Тэрбээр энэ цувралд 17.0 минут дунджилж нэг ч оноо авч чадаагүй хэвээр байгаа аж.

Статистик худлаа хэлдэггүй: 73-79 харьцаатай өндөрлөсөн цувралын хоёр дахь тоглолтын тэргүүлэл нийт 18 удаа өөрчлөгдөж, 7 удаа тэнцжээ.

Үүнээс гадна Fнөөдөр Налайх Бизон багийн сэлгээ 37 оноо авсан бол Эрдэнэт Майнерс багийн сэлгээ 17 оноо авсан байна.