Нийслэлийн Баянгол дүүргийн 9 дүгээр хороонд байрлах орон сууцны гадна, хүүхдийн талбайн зогсоол дээр "Хүмүүс нэгнээ автомашинаар мөргөөд байна" гэх дуудлага цагдаагийн байгууллагад өчигдөр 21:05 цагийн үед иржээ.

Дуудлагын дагуу шалгахад Lexus LX-470 маркийн автомашины жолооч Hyundai Porter маркийн автомашины жолооч нар хоорондоо маргалдаж санаатайгаар автомашин мөргөсөн байв. Дээрх хоёр автомашины жолооч нарын согтуурлын зэргийг хэмжих багажаар шалгахад архи, согтууруулах ундааны зүйл хэрэглээгүй байв.

Зөрчлийг БГД-ийн цагдаагийн газраас шалгаж байна.