Эх сурвалжаас мэдээлснээр нүүрсний хулгайн гэх хэрэгт холбогдон шалгагдаж буй "Эрдэнэс тавантолгой" ХК-ийн гүйцэтгэх захирал асан Б.Ганхуяг, ХНХ-ын сайд асан Т.Аюурсайхан нарын 11 хүнд холбогдох хэргийг шүүхэд шилжүүлсэн байна. Б.Ганхуягийн цагдан хорих таслан сэргийлэх арга хэмжээ авсан хугацаа наймдугаар сарын 8-ны өдөр дууссан.

Гэхдээ Яллагдагч Б.Ганхуягт өмнө нь авсан таслан сэргийлэх арга хэмжээний үндэслэл арилаагүй байх тул цагдан хорих таслан сэргийлэх арга хэмжээ авсан хугацааг үргэлжлүүлэн сунгахаар болжээ. "Яллагдагчийг шүүхэд шилжүүлэх асуудлыг шийдвэрлэх хүртэл цагдан хорих таслан сэргийлэх арга хэмжээг хугацаагаар сунгасан" хэмээн албаны хүн хэллээ.