М.Энх

Эрчим хүчний салбарын өвлийн бэлтгэл одоогоор хэдэн хувьтай байна. Үүнийг өмнөх  оны гүйцэтгэлтэй харьцуулахад  хэдэн   хувиар нэмэгдсэн, хасагдсан  үзүүлэлттэй байгаа аж. Иймд ЭХ-ний дэд сайд хэн  өвлийн бэлтгэл хангах ажлыг эрчимжүүлж, өвлийн оргил ачаалал эхлэхээс өмнө буюу арваннэгдүгээр сарын хэдэн  гэхэд дуусгах, засварын ажлын гүйцэтгэлийн чанарт анхаарч, шаардлагатай арга хэмжээ авахыг өвөлжилтийн бэлтгэл хангах ажлын хэсгийн хурлын үеэр үйлдвэр, компаниудын ерөнхий инженерүүдэд үүрэг болгов. Тус хуралд эрчим хүчний салбарын  хэдэн хүн оролцож, өвлийн  бэлтгэл хангах хүрээнд  хөрөнгө оруулалтын гүйцэтгэл, төлөвлөсөн хугацаанд нь гүйцэтгэхэд тулгамдаж буй асуудлын талаар хэлэлцлээ.

Ирэх өвлийн их ачааллыг давах бэлтгэл, төлөвлөгөөт хугацаанаас хоцорч буй, бусад тулгамдсан асуудлыг ярилцсаныг ЭХЯ мэдээллээ.  Ийм мэдээ жилийн жилд өдийд цувардаг нь гэм биш жам юм. эндээс харахад яагаад яагаад гэдэг асуултууд хөвөрч байгаа юм.  

Яагаад урь унаж, ус гэсэнгүүт дараа жилийн өвлийн ажлын бэлтгэлдээ гарч болдоггүй юм, яагаад хөрөнгө мөнгөө эрт шийдэж болдоггүй юм, яагаад зун, намрын найрыг алгасаж болдоггүй юм гээд асуултууд хөвөрнө. Яг хүйтэн эхлэх болохоор л тийм  ч хөрөнгө мөнгө дутагдалтай, тийм ч ажил оройтож эхэлсэн тул, тийм ч ажиллах хүчин дутагдалтай гээд далан булчирхай, наян шалтаг тоочоод байдаг юм бэ. Төсвийнхөө  мөнгөөр л нэг өвлийг түр аргалчихвал урин хавартайгаа золгочих  ухааны юм бодоод сууцгаана, томчууд нь. Хэчнээн жил яригдсан ч биелэлээ олдоггүй цахилгаан станцууд. Уг нь ДЦС-уудын насжилт дууссан, алдагдалтай ажилладаг зэрэг олон бэрхшээл бий гэдгээ мэдээд, хэлээд байгаа мөртөө дулааны цахилгаан станцтай болох тал дээр дорвитой хийсэн ажил нэг ч үгүй. Бие биенийхээ амыг, үгийг хараад таг сууцгаана.  

Эрчим хүчний салбар ашигтай ажиллах ёстой, гэсэн ч иргэдийхнээ ам хэл, олон нийтийн сүлжээн дэх сэвээнээс айсаар өрний тулам болчихсон. Зарим зүйлд яагаад төр эрс шийдэмгий байж болдоггүй юм бэ. Цахилгаан дамжуулах компаниудаа  олон улсын жишгээр ажиллуулмаар юм. Нөгөөтэйгүүр сэргээгдэх эрчим хүчний салбараа хөгжүүлж байж, ногоон эдийн засаг хөгжинө шүү дээ. Жил бүр хэдэн зуун  сая ам.долларыг эрчим хүч гаднаас авахад зарцуулдаг, үүнийгээ  бууруулахын тулд яг юу хийдэг юм бол. Эрчим хүчний салбарын 99 хувь нь төрийн өмчийн мэдэлд байдаг. Үндсэндээ төрийн өмч давамгайлсан тогтолцоотой салбар. Ажилтнуудынхаа  нийгмийн асуудалд анхаарахгүй бол хүний нөөцийн дутагдалд орох эрсдэлтэй байгаа гэдгийг салбарын мэргэжилтнүүд хэлдэг, үүнийг ч анхааралдаа авах хэрэгтэй.

Асуудлуудаа шат дараатай төгс  шийдэхгүй бол жил бүр л  өнгөрсөн жилийнх нь  хүндрэлүүд давтагдах нь ойлгомжтой шүү дээ,  эрчим хүчнийхэн минь. Эрчим хүчнийхэн ч гэж, тэдний дээр сууж, удирдан чиглүүлж байгаа урагшгүй ноёдын, харалган бодлогын л үр дүн юм даа.

Эх сурвалж: Монголын мэдээ сонин

2023 оны есдүгээр сарын 12. Мягмар. №144 (5872)