Азийн шинжлэх ухааны паркын холбоо (ASPA)-ны энэ жилийн олон улсын 26 дугаар хурал БНТУ-д амжилттай зохион байгуулагдаж байна.

Өчигдөр буюу 2023 оны арваннэгдүгээр сарын 15-нд Азийн шинжлэх ухааны паркуудын 27 дугаар хурлыг дараа жил Монгол Улсад зохион байгуулах эрхийг ASPA-гийн гишүүн 20 гаруй орны 300 төлөөлөгчдийн өмнө зарлаж, батламжийг Монгол Улсаа төлөөлөн оролцож байгаа БШУЯ-ны Шинжлэх ухаан, технологийн бодлого, инновацийн хөгжүүлэлт, хэрэгжилтийг зохицуулах газрын дарга Д.Баттогтоход албан ёсоор гардуулан өглөө.

ASPA-гийн гишүүн орны урилгын дагуу Турк хотноо болж буй олон улсын хуралд Монголын төлөөлөгчид хоёр гол илтгэл тавьсан байна.