Авлигатай тэмцэх газар, Цагдаагийн ерөнхий газрын хамтарсан ажлын хэсэг Нийслэлийн авто замын түгжрэлийг бууруулах арга хэмжээний хүрээнд төсвийн хөрөнгөөр нийтийн тээврийн автобус худалдан авсантай холбоотой хэрэгт мөрдөн шалгах ажиллагааг явуулж буй. Энэ талаар АТГ-аас тодруулахад "Ногоон автобустай холбоотой мөрдөн шалгах ажиллагаа хуулийн хүрээнд үргэлжилж байгаа. Хөрөнгө битүүмжлэн хамгаалах ажиллагаа аль хэдийн хийгдсэн. Тодорхой дүгнэлт, шийдвэр гарсан үед эргэн мэдээлнэ" гэлээ.

Одоогийн байдлаар ногоон автобустай холбоотой хэрэгт 141 хүнээс гэрчийн мэдүүлэг авч, прокурорын зөвшөөрлөөр нэр бүхий 11 иргэний орон байр, бусад газарт нэгжлэг хийж, хэрэгт хамаарал бүхий аж ахуйн нэгж байгууллагын хөрөнгийн шилжилт хөдөлгөөнийг хязгаарлан, эд хөрөнгүүдийг нь битүүмжлэх арга хэмжээ авчээ. Түүнчлэн энэ онд төсвийн хөрөнгөөр 800 ширхэг автобус худалдан авах ажиллагааг зохион байгуулахад эрх мэдэл, албан тушаалын байдлаа урвуулан ашиглаж, бусдад давуу байдал бий болгосон гэж үзэх нөхцөл байдал тогтоогдсон 26 хүнийг яллагдагчаар татан шалгаж байна.