Дэлбэрэлтийн улмаас үүссэн нөхцөл байдалтай холбогдуулан ОБЕГ-аас мэдээлж байна.

ОБЕГ-ын дарга Г.Ариунбуян  "Газ тээвэрлэж явсан автомашин дэлбэрч, гал гарсан дуудлага өчигдөр 01:00 цагийн үед Онцгой байдлын газарт ирсэн. Тус газарт онцгой байдлын 13 анги салбарын 200 гаруй алба хаагч, 30 гаруй техникээр галт түймрийг унтрааж ажиллаа. Галт түймэрт өртөж байсан объектуудын галыг унтрааж ойр орчмын оршин суугчдыг нүүлгэн шилжүүлсэн. Энэ ажиллагаанд цагдаагийн байгууллага, эмнэлэг, УСУГ, дулаан хангамжийн байгууллагууд зэрэг 600 гаруй алба хаагч, 100 техник хэрэгсэлтэйгээр Онцгой байдлын алба хаагчид  гаруй ажиллалаа.

Үүссэн нөхцөл байдалтай холбогдуулан шадар сайд, ОБЕГ-аас нэгдсэн байдлаар ажилласан. Урьдчилсан байдлаар шидэгдсэн ёмкость өртөж онцгой байдлын гурван алба хаагч амь насаа харамсалтайгаар алдлаа. Газ тээвэрлэж явсан автомашин тойрог дээр хөдөлгөөн үйлдэж явахдаа давхар хий эргэж суудлын автомашинтай мөргөлдсөнөөр дэлбэрэлт үүссэн." гэв.