Өвөрхангай аймгийн Хархорин сумын нутаг Нарийн хүр багийн Таван салаа хэмээх газарт аймгийн төвөөс хойш 143 км, сумын төвөөс хойд зүгт 12 км-т орших Орхон голын мөсөн дээгүүр зорчиж явсан ачааны автомашин мөс цөмөрч суужээ. 

Энэ дуудлагыг нэгдүгээр сарын 24-ний 15:45 цагт Онцгой байдлын газар хүлээн авсан байна. Дуудлагын дагуу тус аймгийн Онцгой байдлын газрын Хархорин сум дахь Гал түймэр унтраах, аврах 45 дугаар ангийн алба хаагчдыг очиход Хархорин сумын Зүүн намаг гэдэг газраас сумын төв рүү зорчиж явсан иргэн Ц-ийн  Hyundai Porter загварын ачааны автомашин “Орхон” голын мөс цөмөрч суусан байсныг татан гаргасан хэмээн ОБЕГ-аас мэдээлэв.