Өнгөрсөн хоногт нийслэлийн хэмжээнд гал түймрийн 8 дуудлага бүртгэгдэж, нэг иргэн гал түймэрт өртөж амь насаа алдлаа.

Тодруулбал, Чингэлтэй дүүргийн 7 дугаар хороо, Хувьcгалчдын гудамжинд гэр шатаж байна гэсэн дуудлага 21.50 цагт ирсэн байна. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчдыг очиход таван ханатай гэр, эд хогшил бүрэн шатаж, уг гал түймэрт өртөж 44 настай эрэгтэй нас барсан байсныг холбогдох байгууллагад хүлээлгэн өгчээ.

Гэр хороолол, зуслангийн бүсэд гэр, байшин шатсан дуудлага мэдээлэл буурахгүй байна.

Иймд иргэд гэр, сууцныхаа цахилгааны ашиглалт, пийшин, зуух, яндан, угаар мэдрэгчийн хэвийн ажиллагааг хангаж аюулгүй байдлаа хангахыг онцгойлон анхааруулж байна.