Өчигдөр оройноос орж эхэлсэн цасны улмаас зам талбайд халтиргаа гулгаа үүсэж, зам тээврийн ноцтой осол гарсан. Тодруулбал өнөөдөр өглөө 08:20 цагийн үед "Чингис хаан" олон улсын нисэх буудал руу явдаг тууш замд 17 машин мөргөлдсөн ноцтой осол гарсан. Улмаар тус хэсгийн зорчих хөдөлгөөнийг түр хугацаанд хаасан байсан. Тэгвэл үүнтэй холбоотойгоор Тээврийн цагдаагийн албанаас" Ослын газарт үзлэг хийж дууссан бөгөөд явах боломжгүй тээврийн хэрэгслүүдийг ачиж, зорчих хэсгийг чөлөөлсөн" талаар мэдээллээ. Мөн цаг уурын нөхцөл байдалтай холбоотойгоор замын хөдөлгөөнд оролцохдоо хурдаа тохируулан явахыг зөвлөлөө.