"Парис 2024" зуны олимпын боксын спортын эрх олгох хоёр дахь тэмцээн "2024 World Boxing Olympic Qualification Tournament 2" Тайландын Бангкок хотод зургаа дахь өдрөө үргэлжилж байна.

Өчигдөр эрэгтэй +92 кг жинд Х.Бехнур, эрэгтэй -63.5 кг жинд Э.Цэндбаатар нар тоглож Х.Бехнурын эхний тоглолт байсан бөгөөд Доминиканы боксчныг ялж шигшээ 16-д шалгарснаар Кубийн тамирчинтай тоглохоор болов. Харин эрэгтэй -63.5 кг жинд Э.Цэндбаатар хоёр дахь тоглолтоо Болгарын боксчинтой хийж 5-0 харьцаагаар ялагдсанаар энэ удаагийн тэмцээнээ өндөрлүүллээ.

Олимпын эрхийн тэмцээнийг Монголын шигшээ багийн 12 тамирчин зорьсноос

1. Эрэгтэй -51 кг жинд Ганхуягийн Ган-Эрдэнэ шигшээ 32-т Кирибатигийн боксчинтой
2. Эрэгтэй -57 кг жинд Хархүүгийн Энх-Амар шигшээ 16-д Германы боксчинтой
3. Эрэгтэй -80 кг жинд Ганзоригийн Далай шигшээ 16-д Ираны боксчинтой
4. Эрэгтэй +92 кг жинд Халигийн Бехнур шигшээ 32-т Доминиканы боксчинтой
5. Эмэгтэй -54 кг жинд Мөнгөнцэцэгийн Энхжаргал шигшээ 16-д Канадын боксчинтой
6. Эмэгтэй -75 кг жинд Энхбаатарын Эрдэнэтуяа шигшээ 16-д дэлхийн аварга, Азийн аварга Казахстаны Валентина Калжоватай тус тус тоглохоор учраа таараад байна.

Өнөөдөр буюу тэмцээний долоо дахь өдөр -57 кг жинд Хархүүгийн Энх-Амар, -80 кг жинд Ганзоригийн Далай, -51 кг жинд Ганхуягийн Ган-Эрдэнэ нар тулалдана.

Харин

1. Эрэгтэй -71 кг жинд Отгонбаярын Бямба-Эрдэнэ Энэтхэгийн боксчинд ялагдаж
2. Эрэгтэй -92 кг жинд Нямдоржийн Отгонболд Афганистаны боксчинд ялагдаж
3. Эмэгтэй -57 кг жинд Төмөрхуягийн Болортуул АНУ-ын боксчинд ялагдаж
4. Эмэгтэй -60 кг жинд Монхорын Намуун Энэтхэгийн боксчинд ялагдаж
5. Эрэгтэй -63.5 кг жинд Эрдэнэбатын Цэндбаатар Болгарын боксчинд ялагдаж
6. Эмэгтэй -66 кг жинд Ганзоригийн Бадмаараг Колумбийн боксчинд ялагдаж тэмцээнээ дуусгасан.

Монголын шигшээ багаас эмэгтэй -50 кг жинд Оюунцэцэгийн Есүгэн Азийн наадамд гаргасан амжилтаараа олимпын эрхээ аваад байгаа юм.