Ховд аймгийн Мянгад сумын Баянбулаг багийн нутаг Өндөр Хөхийн-Уулын ар бэл гэх газарт долдугаар сарын 30-ны өдрийн 09:00 цагийн орчим гурван хүн малаа хариулж яваад аянгад цохиулж хоёр хүүхэд нас барж, нэг том хүн эмнэлэгт хүргэгджээ. 

Энэ тухай мэдээллийг Онцгой байдлын газар наймдугаар сарын 5-ны 09:35 цагт хүлээн авсан бөгөөд Мянгад сумын Эрүүл мэндийн төвийн эмч долдугаар сарын 30-ны өдрийн 11:30 цагт очиход 17 настай эрэгтэй Ц, Г нар аянгад цохиулж нас барсан байсан.

25 настай эрэгтэй Б-ийн биеийн байдал хүнд байсан тул Ховд аймаг дахь Бүсийн оношилгоо эмчилгээний төв руу хүргүүлсэн тухай мэдээллийг тус сумын Засаг дарга аймгийн Онцгой байдлын газарт мэдээлсэн байна.