Олон улсын жүдо бөхийн холбооноос 2025 онд зохион байгуулах цуврал тэмцээний хуваарийг албан ёсоор танилцуулав.

Шинэ оны хамгийн эхний тэмцээн хоёрдугаар сарын 1, 2-нд Францын Парис хотод болох “Их дуулга” юм. Тэгвэл ДАШТ-ийг зургадугаар сарын 13-20-нд Унгарын Будапешт хотод зохион байгуулахаар болжээ.

Харин энэ тэмцээнээс нэг сарын дараа буюу долдугаар сарын 25-27-нд Монгол Улсын нийслэл Улаанбаатар хотод “Их дуулга”-ын цуврал тэмцээн болох хуваарьтай байна.

2025 онд олон улсын жүдо бөхийн холбооноос “Их дуулга” ангиллын 10 тэмцээн зохион байгуулахаар баталжээ. Тус ангиллын тэмцээнүүдийн хуваарийг танилцуулъя.

• Хоёрдугаар сарын 1, 2-нд  Парисын “Их дуулга”
• Хоёрдугаар сарын 14-16-нд Бакугийн “Их дуулга”
• Хоёрдугаар сарын 28-наас гуравдугаар сарын 2-нд Ташкентын “Их дуулга”
• Гуравдугаар сарын 21-23-нд Тбилисийн “Их дуулга”
• Гуравдугаар сард Анталиягийн “Их дуулга”
• Тавдугаар сарын 02-04-нд Душанбегийн “Их дуулга”
• Тавдугаар сарын 09-11-нд Астанагийн “Их дуулга”
• Долдугаар сарын 25-27-нд Улаанбаатарын “Их дуулга”
• Аравдугаар сарын 17-19-нд Абу Дабигийн “Их дуулга”
• Арванхоёрдугаар сарын 06-07-нд Токиогийн “Их дуулга”

Ташрамд дурдахад, 2024 он дуусахаас өмнө “Их дуулга” ангиллын гурав, олон улсын нээлттэй найман тэмцээн болох хуваарьтай. Мөн Европын клубүүдийн аварга шалгаруулах тэмцээн болно.