Олон улсын электрон спортын холбоо буюу IESF-ээс зохиодог PUBG Mobile-ын шигшээ багуудын дэлхийн аварга шалгаруулах тэмцээн өнөөдөр Саудын Арабын Эр-Рияд хотод эхэлнэ.

130 мянган ам.долларын шагналын сантай "IESF World Esports Championship 2024" тэмцээнд Монголын шигшээ багийг төлөөлж "TG" дасгалжуулагчтай "SUKHE", "HOPELESS", "BALJAA", "ENDLESS" нарын тоглогчид оролцоно.

Гурван өдрийн турш нийт 18 map тоглож ялагчийг тодруулах тэмцээнд 16 орны баг тамирчид өрсөлдөх бөгөөд ялагч нь аваргын цом 40 мянган ам.долларын эзэн болно.

Дэлхийн хамгийн шилдгүүд цугладаг багуудын дэлхийн аварга шалгаруулах тэмцээн буюу "PUBG Mobile Global Championship 2024" яг энэ үеэр болж байна. Тус 3 сая ам.долларын шагналын сантай тэмцээнд оролцоогүй багууд нь энэ удаагийн шигшээ багуудын тэмцээнд хүч үзэж байна гэж хэлж болно.

Энэ дунд "MadBulls", "POWR eSports", "52 Esports", "BOOM Esports", "Fire Flux Esports", "9z Team", "INTENSE GAME" зэрэг шилдэг багийн тоглогчид ирсэн байна.