Сүүлийн үед залилан, мансууруулах бодис хэрэглэсэн, худалдсан гэх  хэрэг ихэссэн. Тэгвэл Эрүүгийн цагдаагийн газрын алба хаагчид 150 сая төгрөгийн залилан хийсэн этгээдийг мансууруулах бодис хэрэглэж байхад нь баривчилжээ

Тодруулбал,  “Гандан бороо” хочит Б нь иргэн Г-ээс 150 сая орчим сая төгрөгийн эд зүйлийг зээлээр авч, мөнгийг нь өгөлгүй айлган сүрдүүлсэн, заналхийлж байсан аж. Энэ талаар иргэдээс гомдол ирсний дагуу Сүхбаатар дүүргийн цагдаагийн нэгдүгээр хэлтсийнхэн түүнд Эрүүгийн хуулийн 148.3-т зааснаар хэрэг үүсгэн шалгаж, эрэн сурвалжилж байжээ.

Түүнийг Баянгол дүүргийн хоёрдугаар хороонд байрлах гэрээс нь саатуулах үед тэрбээр мансууруулах бодис хэрэглэж байсан гэнэ.
Мөн түүний гэрээс  Медафитамин төрлийн мансууруулах бодис  олдсон ажээ.  Иймд сэжигтэн Б-д Эрүүгийн хуулийн 192 дугаар зүйлд зааснаар хэрэг үүсгэн шалгаж эхэлсэн байна. Мөн "Гандан бороо" хочит Б гэгчид дарамтлуулж, эд хөрөнгөө алдсан иргэд Эрүүгийн цагдаагийн газарт хандах боломжтой юм байна.  Түүнчлэн энэ төрлийн гэмт хэргийн улмаас хохирсон иргэд  Эрүүгийн цагдаагийн газарт хандахыг ЦЕГ-аас анхаарууллаа.