АНУ-ын Ерөнхийлөгчийн сонгуульд Бүгд найрамдах намаас нэр дэвшиж буй үл хөдлөх хөрөнгийн тэрбумтан Доналд Трамп өнгөрсөн хугацаанд олон эмэгтэйчүүдийг зүй бус үгээр гутаан доромжилж байсан нь олон нийтэд илчлэгдээд буй.  Хамгийн сүүлд авсан мэдээллээр гэхэд түүнд доромжлуулсан эмэгтэйчүүдийн тоо аль хэдийнэ 10-д хүрсэн байгаа юм.  Тэгвэл саяхан бас нэгэн хохирогч нь өөрийгөө олонд илчиллээ.

Бүсгүй порно киногоор олонд танигдсан нэгэн бөгөөд Доналд Трамп түүнд 10 мянган ам.доллар санал болгон зочид буудлын өрөөнд  ирэхийг хүсч байсан тухай нийтэд илчиллээ. Тэр бүсгүй бол Жессика Дрэйк гэгч юм. Түүний хувьд Доналд Трампад доромжлуулсан гэх эмэгтэйчүүдийн 11 дэх нь болж байна. 

Дээрх явдал 2006 онд Калифорни мужийн гольфийн талбайд болжээ. Тухайн үед Трамп бүсгүйд ойртон ирж, зочид буудлын өрөөнд нь хүрэлцэн ирэхийг урьжээ. Бүсгүй өөр хоёр эмэгтэйн хамтаар  зочид буудалд очиход Трамп унтлагийн хувцастай байсан бөгөөд тэднийг нэг нэгээр нь тэвэрч, үнссэний зэрэгцээ порно кинонд тоглох ямар байдаг талаар асуусан гэнэ.

Тус үгэнд эгдүүцсэн Дрэйк өрөөнөөс гарч явсан бөгөөд үүний  дараа ч Трамп түүн рүү утсаар ярьж, “Юу хүсээд байгаа юм. Чамд хэд хэрэгтэй юм бэ” гэх зэргээр зочид буудлын өрөөндөө эргүүлэн авчрахыг хүсч байжээ. Бүсгүй утсаа таслах үед өөр нэгэн эрийн утсаар түүн рүү залгаж, зочид буудалд ирвэл 10 мянган ам.доллар өгнө гэж амлаж байсан гэнэ. Бүсгүй энэ талаар хэвлэлийн хурал зарлаж олонд дэлгэсэн бөгөөд гольфийн талбай дахь зургаа хүртэл олонд дэлгэсэн байна.