NBA-ын талбайд 11 тоглолт боллоо. Өнөөдрийн хамгийн сонирхолтой тоглолт Лос Анжелес Лейкэрс талбайдаа Мемфис Гриззлис багтай энэ улирлын хоёр дахь тоглолтоо хийлээ. Өмнөх тоглолтод Жа Моранттай Мемфис хожоод байсан бол энэ удаа Жа Морант гэмтлийн улмаас тоглоогүй юм. 

Өнөөдрийн тоглолтын эхний үед 12 онооны тэргүүллийг авсан ч хоёр болон гуравдугаар үед тэргүүллээ алдаж таван оноогоор хожигдож дуусгаасан юм. Гэвч шийдвэрлэх үеийн эхлэлийг энэ жилийн шинэ тоглогч болох Далтон Кнехт холын зайнаас оруулж, алдааны асуудалд орсон байсан Энтони Дэвис хоёр удаа холын зайнаас оруулснаар онооны тэргүүлийг авч улмаар 123-128 харьцагаар Лейкэрс улирлын долоо дахь ялалтаа байгуулаа. Лейкэрс гэртээ буюу Крипто.ком аренад хийсэн зургаан удаа тоглосноос хожигдоогүй байгаа бөгөөд  өрнөд бүсийн тавд бичигдэж байна. Харин Гриззлис долоон хожил, таван хожигдолтой болж өрнөд бүсийн долоод эрэмбэлэгдэж байна:

Тус тоглолтод Леброн Жеймс 35 оноо, 12 самбар, 14 дамжуулалтаар багаа тэргүүлжээ.Тэрбээр гурван тоглолт дараалж трипл дабли хийсэн хамгийн хөгшин тоглогч болжээ. Харин тус багаас Энтони Дэвис 21 оноо, 14 самбар, 3 хаалт, Руй Хачимура 19 оноо, 7 самбар, Остин Риверс 18 оноо, 6 дамжуулалт, сэлгээнээс Далтон Кнех 19 оноог авсан байна. Эсрэг багаас Жаран Жексон Жуниор 29 оноогоор багаа тэргүүлсэн бол Санти Алдама 15 оноо, 7 самбар, 5 дамжуулалт, Скотти Пиппин Жуниор 15 оноо, 3 таслалт, сэлгээнээс Маркус Смарт 15 оноог авчээ.

Өнөөдөр болсон бусад тоглолтууд:

Индиана Пэйсэрс 90-94 Орлондо Межик
Бостон Селтикс 139-114 Брүүклин Нетс
Чикаго Буллс 124-123 Нью-Иорк Никс
Клевлэнд Кавалерс 114-106 Филадельфи 76
Нью-Орлэйн Паликанс 88-106 Оклахома Сити Тандер 
Лос Анжелес Клипперс 103-111 Хьюстон Рокетс
Детройт Пистонс 120-127 Милоуки Багс /нэмэлт цагт/
Вашингтон Визардс 130-139 Сан Антонио Спөрс
Мемфис Гриззлис 123-128 Лос Анжелес Лейкэрс
Минносато Тимбэрволвис 98-106 Портленд Трэйл Блэйзэрс
Финикс Санс 104-127 Сакермэнто Кингс