Электрон тоглоомын CS2 (Counter Strike 2)-ын төрлийн 2025 оны анхны том тэмцээн болох "Intel Extreme Masters Katowice 2025" тэмцээнүүдийн нэг нэгдүгээр сарын 29-нөөс хоёрдугаар сарын 9-ны хооронд Польшийн Катовиц эхэлнэ.

ESL-ээс зохиож буй 1 сая ам.долларын шагналын сантай уг тэмцээнд Монголын "The MongolZ" баг дэлхийн чансаанд эзэлж буй байраар хэсгийн шатанд шууд уригдсан бол монгол дасгалжуулагчтай Австралийн "FlyQuest" баг эхний шатанд уригджээ.

Тэгвэл дэлхийн шилдэг 24 баг оролцох тэмцээнд анх удаа эмэгтэй бүрэлдэхүүнтэй баг оролцохоор болсон байна. Тодруулбал Бразилд төвтэй "Imperial Female" баг Valve-ын чансаагаар уригдсан юм.

Тэмцээн гурван шаттай. Эхний Play-In шатанд 16 баг өрсөлдөж найм нь хоёр дахь шат буюу Group Stage руу шалгарна. Харин хэсгийн шатнаас зургаан баг Playoffs руу шалгарч тоглох юм.