Хятад улсын Шанхай хотод электрон тоглоомын CS2-ын төрлөөр "eXTREMESLAND" болон "ZOWIE" жил бүр хамтран зохион байгуулдаг 100 мянган ам.долларын шагналын сантай тэмцээн долоон хоног үргэлжилж өчигдөр дууслаа..

Тус тэмцээний аваргын төлөө тоглолтод Арабын "XO Esports" баг Монголын "ATOX Esports" багийг 2-0 (Inferno 9-13, Anubis 10-13) харьцаагаар хожиж түрүүлж 40 мянган ам.доллларын эзэн болсон юм.

Харин Монголын "ATOX Esports" баг дэд байр эзэлснээр 15,000$ (51,400,000₮) шагналыг авлаа.

Манай баг Гансүхийн Төгөлдөр "flyNN" дасгалжуулагчтайгаар D хэсэгт Өмнөд Солонгосын "Miracle Play", Хятадын "Nalakuvara Gaming" багуудыг хожиж, Ойрх Дорнодын "JiJieHao" багт хожигдон хэсгийн 2-р байраар playoffs-т шалгарсан.

Улмаар шөвгийн наймд Хятадын "TYLOO" багийг 2-0 (Nuke 13-6, Inferno 13-8), хагас шигшээд JiJieHao багийг 2-0 (Ancient 13-6, Dust II 13-8) харьцаагаар тус тус хожин аваргын төлөө шалгарсан юм.

Азийн шилдэг 16 баг өрсөлдсөн тэмцээнд Монголын гурван баг оролцсоноос "IHC Esports" С хэсгийн 3-р байраар тэмцээнээ дуусгаж 2,500$ (8,500,000₮) Монголын "Chinggis Warriors" баг шөвгийн наймаас хасагдаж 4,500$ (15,400,000₮) шагналыг авсан.

​​​​​​​