Нийслэлийн ИТХ-ын ээлжит II хуралдаанаар Улаанбаатар хотын 2040 он хүртэлх хөгжлийн ерөнхий төлөвлөгөөний төслийн танилцуулга зэрэг 16 асуудлыг хэлэлцэж байна. Улаанбаатар хотын ерөнхий архитектор Ч.Төгсдэлгэрийн танилцуулгаас онцлох тоо баримтыг сийрүүлье.

“Нийслэл Улаанбаатар хотын 2040 он хүртэлх хөгжлийн ерөнхий төлөвлөгөө”-г баталж, хэрэгжүүлснээр дараах үр дүн гарна.

• Нийслэл Улаанбаатар хот нэг төвт төвлөрсөн хотоос олон төвт хот болно. Ингэснээр нийгмийн болон төрийн үйлчилгээ иргэнд ойртоно.
• “20 минутын хот” үзэл баримтлалаар Улсын зэрэглэлтэй хоёр, орон нутгийн зэрэглэлтэй 14, дагуул дөрвөн хоттой болно.
• Бүсүүдийн тэргүүлэх чиглэлүүд: АГРОСИТИ дагуул хот (Фермер АА, Хүлэмж АА, Зоорь, Агуулах, Аялал жуулчлал, Оюутны хотхон)
•  БАГАНУУР ХОТ (Уул уурхай /өргөжуулэлт/,  ҮТП, АҮП, ХАА, Газар тариалан,  Аялал жуулчлал, ЦС 400 мВт)
•  ШИНЭ ЗУУН МОД ДАГУУЛ ХОТ (Нисэх буудал, Чөлөөт бүс, Хуурай боомт,  Логистик төв, Оюутны хотхон, Аялал жуулчлал)
• НАЛАЙХ ХОТ (ҮТП -Барилгын материал, Бөөний төв /барилгын материал/, Шил шаазангийн үйлдвэр,  Аялал жуулчлал)
• ХОНХОР (Аялал жуулчлал, ХАА, ЖДҮ, Худалдаа үйлчилгээ)
• ЭМЭЭЛТ ДАГУУЛ ХОТ (ҮТП, Малын гаралтай түүхий эд агуулах худалдаа, ХАА дэмжих)
• ТЭРЭЛЖ ТОСГОН (Аялал жуулчлал, ЖДҮ, Фермер АА /үхэр, сүүн бүтээгдэхүүн/)
• ТУУЛ–СОНГИНО–ӨЛЗИЙТ ТОСГОН (Үйлдвэрлэл /Био.тех, хог боловсруулах/, Фермер АА /гахай, тахиа, үхэр/, Хүлэмж АА, Зоорь, ХАА, ЖДҮ, Аялал жуулчлал)
•  БАГАХАНГАЙ ДАГУУЛ ХОТ (ҮТП -хөнгөн үйлдвэр, Тээвэр логистик, Агуулах,  Худалдаа үйлчилгээ, ЖДҮ, Газар тариалан, Цэргийн АҮП, Оюутны хотхон)

• 2040 оны Улаанбаатар амьдрахад таатай, тогтвортой, тэсвэртэй, дасан зохицох чадамжтай, хүртээмжтэй, хэмнэлттэй, байгаль орчинд ээлтэй, ухаалаг, цогц, цомхон хот болно.

• Улаанбаатар бүсийн хэмжээнд дагуул хот, тосгодыг соёл боловсрол, хөдөө аж ахуй, хүнс, хөнгөн үйлдвэрлэл, тээвэр логистик, эдийн засгийн тусгай бүс, аялал жуулчлалын чиглэлээр төрөлжүүлэн хөгжүүлнэ.
• Улаанбаатар хотын хүн ам 1.6 сая байгаа бол 2040 онд 2.1 сая болж өсөх ба үүний 405 мянган хүн амыг дагуул хотуудад суурьших тооцооллыг гаргасан.
• Ажлын байрны тоо 1.4 дахин нэмэгдэж, 193 мянган ажлын байрыг шинээр бий болгоно.
• Нэг хүнд ногдох ногоон байгууламжийн хэмжээг 8 ам.метрээс 35 ам.метр болгон нэмэгдүүлж, иргэдийн амарч зугаалах, чөлөөт цагаа өнгөрөөх тохилог орчныг бүрдүүлнэ.

• Замын сүлжээний бүтэц нь хэвтээ 8, босоо 12, тойрог 3 замын бүтэцтэй байхаар төлөвлөж, 1,738.8 км замыг шинээр байгуулж, оргил ачааллын үеийн дундаж хурд 9 км/цаг-аас 22.5 км/цаг болж нэмэгдэнэ.
• Багтаамж ихтэй нийтийн тээврийн сүлжээг бий болгож, өдөрт 1.2 сая зорчигч тээвэрлэж, нийтийн тээврийн хүртээмжийг 2 дахин нэмэгдүүлнэ. Метро, дүүжин тээвэр, LRT, BRT гэх мэт нийтийн тээврийн шугам, төрлүүдийг үе шаттай нэмнэ.
• Улаанбаатар хотын дулааны ачаалал 3,820 МВт байгаагаас 7,480 МВт болж нэмэгдэх бөгөөд үүнийг хэсэгчилсэн дулааны эх үүсвэр 15 байршилд байгуулж шийднэ.

• 20 мянган өрхийг хийн түлшинд холбоно. 50 мянган өрхийг Ногоон сууц төсөлд хамруулж, сэргээгдэх эрчим хүчний эх үүсвэрт 30 мянган айл өрхийг холбоно.
• Зам талбайн борооны ус зайлуулах шугам 2024 онд 209 км байгааг 2040 онд 644.5 км болгоно.
• Улаанбаатар бүсийн цахилгааны эх үүсвэр 1,169 МВт байгаа бол 2040 онд 5,408Мвт болж нэмэгдэнэ. Өсөн нэмэгдэх цахилгаан эрчим хүчний хэрэглээний 30 хувийг сэргээгдэх эрчим хүчний эх үүсвэрээс, үлдсэн хувийг дулааны цахилгаан станцаас хангана.
• Ногоон сууц төслийн хүрээнд сайжруулсан амины орон сууц бүсэд 49.6 мянган өрхийн сууцыг дулаалж, дулааны эрчим хүчний хэрэглээг сэргээгдэх эрчим хүч болон хийн түлшний системээр шийднэ.
• 243.9 их наяд төгрөгийн бүтээн байгуулал хийнэ.
• Гэр хороололын айл өрхүүдийн бохир усны хэрэглээг төвлөрсөн шугамд ойр бохир усны цуглуулах станцад татан зайлуулна. Улаанбаатар хотын хэмжээнд 20-30’000м3-ын хүчин чадалтай таван цэвэрлэх байгууламжийг төлөвөлж байна. Шинээр төлөвлөж буй хотхон, хорооллуудад саарал ус, борооны ус ашиглах бие даасан системтэй байна.