NBA-ын талбайд 10 тоглолт боллоо. Өнөөдрийн хамгийн сонирхолтой тоглолт улирлын Үнэ цэнэтэй тоглогчид өрсөлдөж буй Шай Гилжус Александраар удирдуулсан Оклахома Сити Тандер талбайдаа Никола Иокичоор удирдуулсан Денвер Наггетс багтай энэ улирлын сүүлийн буюу дөрөв дэх тоглолтоо хийлээ. Өчигдөр гурав дахь тоглолтоо хийсэн хоёр баг Шай 40 оноог авч 24 онооны тэргүүллээр Тандер ялсан билээ.

Тэгвэл өнөөдрийн тоглолтод эхний хоёр үед талбайн эзэд буюу Тандер зургаан оноогоор тэргүүлж байсан гуравдугаар үед найман оноог дутуу авснаар хоёр оноогоор хоцорч эхэлсэн юм. Улмаар шийдвэрлэх үед 11 оноог дутуу авч 140-127 харьцаагаар Наггетс ялалт байгууллаа. Улмаар хоёр багийн энэ улирлын тоглолт 2-2 болж тэнцэж байна. Наггетс улирлын 42 хожил, 23 хожигдолтойгоор өрнөд бүсийн хоёрт бичигдэж байгаа бол Тандер 53 хожил, 12 хожигдолтой болж өрнөд бүсийг тэргүүлсэн хэвээр байна.

Тус тоглолтод Никола Иокич 35 оноо, 18 самбар, 8 дамжуулалтаар багаа тэргүүлсэн бол Жамал Муррэй 34 оноо, 6 дамжуулалт, Майкл Портер Жуниор 17 оноо, 6 самбар, Рассел Уэстбрүүк 16 оноо, 5 самбар, 7 дамжуулалт, сэлгээнээс Пэйтон Ватсон 16 оноог авсан байна. Эсрэг багаас Шай Гилжус Александр 25 оноо, 7 дамжуулалтаар багаа тэргүүлсэн бол Луйс Дорт 26 оноо, Хартенштэн 20 оноог авсан байна.

Өнөөдөр болсон бусад тоглолтын үр дүн

Филадельфи 76 123-132 Атланта Хокс
Юта Жазз 108-114 Бостон Селтикс
Лос Анжелес Лейкэрс 108-111 Брүүклин Нетс
Шарлот Хорнетс 105-102 Миами Хит
Вашингтон Визардс 104-119 Торонто Репторс
Индиана Пэйсэрс 103-121 Чикаго Буллс
Орлондо Межик 84-97 Хьюстон Рокетс
Финикс Санс 118-120 Мемфис Гриззлис
Денвер Наггетс 140-127 Оклахома Сити Тандер
Даллас Мавирекс 133-129 Сан Антонио Спөрс